Իրանում կարող են ի հայտ գալ միջուկային զենքից հրաժարվելու նոր շրջանակներ. Լավրով

ՌԴ արտգործնախարար Սերգեյ Լավրովի փոխանցմամբ՝ Իրանի Իսլամական Հանրապետության դեմ իրականացված ագրեսիայից հետո այնտեղ, անկասկած, հայտնվել են քաղաքական շրջանակներ, որոնք կպաշտպանեն այն մոտեցումը, թե ռազմական միջուկային ծրագրից հրաժարվելուց հետո իրենց վրա հարձակվել են, ձգտում են ոչնչացնել և իշխանափոխություն իրականացնել։ Ռուսաստան-Հարավարևելյան Ասիայի Ազգերի Ասոցիացիայի նախարարական հանդիպմանը հաջորդած ասուլիսի ընթացքում նա ընդգծել է, որ նման իրավիճակներում մտաբերում են Իրաքի ու Լիբիայի օրինակները, որոնք ևս հրաժարվել էին զանգվածային ոչնչացման զենքի ծրագրերից։

Լավրովի խոսքով՝ Իրանի դեմ իրականացված հարձակման հետևանքը հակառակն է ակնկալվածից, և շատերը, նայելով Իրանի ու նախորդ օրինակներին, կհանգեն այն համոզմանը, որ լոկ միջուկային զենքը կարող է առավելագույնս ապահովել ազատությունն ու անկախությունը, ինչի հետևանքով նման տրամադրությունները կավելանան։

ՌԴ արտգործնախարարը հավելել է, որ այդ մասին նշում է մեծ ափսոսանքով, քանի որ դա Ամերիկայի Միացյալ Նահանգների և նրանց մի շարք դաշնակիցների ագրեսիվ գործողությունների հետևանքն է, որոնք փորձում են իրականացնել համաշխարհային քաղաքականության մեջ՝ սեփական գերիշխանությունը պահպանելու նպատակով։