Դրոնների զանգվածային գրոհ Ռուսաստանում․ հարձակումից նոր մանրամասներ

Ուկրաինայի զինված ուժերի կողմից արձակված անօդաչու թռչող սարքերի մեծ մասը շարժվում էր դեպի Ռուսաստանի հարավային շրջաններ։ Ուկրաինական զինված ուժերի  հարձակման թիրախների մասին հայտնել են «Արխանգել սպեցնազա» հեռագրային ալիքի հեղինակները։

Հեղինակների պնդմամբ՝ Ուկրաինայի զինված ուժերի հարվածը հասցվել է Կրասնոդարի և Ստավրոպոլի երկրամասի Նևիննոմիսսկ քաղաքի լոգիստիկ կենտրոններին, որտեղ հրդեհներ են բռնկվել։

Բացի այդ, ուկրաինական անօդաչու թռչող սարքերը փորձել են հարձակվել Ղրիմի և Սևաստոպոլի վրա։

Ուկրաինայի զինված ուժերի գիշերային հարձակումից հետո, վերջին տվյալներով, Կրասնոդարում և Ստավրոպոլի երկրամասի Նևիննոմիսսկ քաղաքում տուժել է ավելի քան տասը մարդ։ Կրասնոդարի երկրամասի Արմավիր քաղաքում մեկ բնակչի կյանքը փրկել չի հաջողվել։ Բացի այդ, Կրասնոդարում անօդաչու թռչող սարքերի հարձակման հետևանքով հրդեհվել է պահեստային համալիր։

Ռուսաստանի պաշտպանության նախարարության տվյալներով՝ հակաօդային պաշտպանության ուժերը գիշերվա ընթացքում ոչնչացրել են Ուկրաինայի զինված ուժերի 242 անօդաչու թռչող սարք։ Հարվածների տակ են հայտնվել Ռուսաստանի 17 շրջաններ, այդ թվում՝ Լենինգրադի, Տուլայի, Նովգորոդի մարզերը և Մոսկվայի տարածաշրջանը։