ՌԴ ՆԳՆ-ն կանխել է արտասահմանից Ռուսաստանում ընտրությունները խափանելու փորձը

Ներքին գործերի նախարարությունը կանխել է արտասահմանից ընդդիմության կողմից Ռուսաստանում ընտրությունները խափանելու փորձը: Այս մասին հայտնել է Ռուսաստանի Ներքին գործերի նախարարության հասարակական կարգի ապահովման գլխավոր վարչության պետ Լենար Գաբդրախմանովը:

«Արտասահմանից եկած ընդդիմադիր ուժերը կոչ էին արել իրենց փոքրաթիվ կողմնակիցներին միաժամանակ գալ  ընտրատեղամասեր՝ նպատակ ունենալով հերթեր ստեղծել ինչպես մուտքի մոտ, այնպես էլ քվեատուփերի մոտ։

Նրանք պլանավորել էին այս ամենը նկարահանել, տեղադրել ինտերնետում՝ մեկնաբանություններով իշխանությունների կողմից ընտրությունները կազմակերպելու անկարողության վերաբերյալ։ Կանխարգելիչ աշխատանքների շնորհիվ բոլոր կոչերը մնացին չիրականացված», - ասել է նա: