«Գախարիայի 12 ստերը». Խորհրդարանում Վրաստանի վարչապետի ելույթն ուղեկցվել է ընդդիմության բողոքի ակցիայով

Վրաստանի խորհրդարանում վարչապետ Գեորգի Գախարիայի՝ կառավարության գործունեության տարեկան հաշվետվությանը զուգահեռ, խորհրդարանի շենքի դիմաց «Գախարիայի 12 ստերը» կարգախոսով բողոքի ակցիա են անցկացրել «Փոխիր» շարժման ակտիվիստները: Մի քանի տասնյակ երիտասարդների ձեռքերին պաստառներ են եղել  Գախարիայի այն պնդումներով, որոնք նրանք կեղծ են համարում: Այս մասին հայտնում է «Ալիք մեդիան»:

«Հայտնի «Գավրիլովի գիշերվանից» հետո մի քանի օրվա ընթացքում ՆԳ նախարար Գախարիան 12 անգամ ստել է ուղիղ եթերում: Այդ պատճառով էլ այսօր «Փոխիր» շարժումն այլընտրանքային հաշվետվություն է ներկայացնում, որում Գախարիայի 12 ստերն են »,- հայտարարել են  ակտիվիստները:

Մեջբերված բոլոր պնդումները վերաբերել են 2019թ. հունիսի 20-21-ի հետ են կապված իրադարձություններին, երբ հակառուսական տրամադրությունները վերաճեցին բողոքի ցույցերի ու ոստիկանության ու ցուցարարների միջև բախումների, ապա՝ հատուկ տեխնիկայի կիրառմամբ ցույցի ցրման:

Ցուցարարները կրել են պաստառներ, որոնց վրա գրված է եղել «Ակցիայի մասնակիցները 4 անգամ զգուշացվել են», «Ցուցարարների վրա թիրախավորված չեն կրակել», «Գախարիան պատրաստ էր բանակցությունների», «Վրաստան մուտքը մերժելը անհնար էր» և այլն: