Լուկաշենկոն խնդրել է իրեն, Պուտինին կամ Պրիգոժինին հերոս չդարձնել
Բելառուսի նախագահ Ալեքսանդր Լուկաշենկոն Ռուսաստանում խռովության փորձի շուրջ ստեղծված իրավիճակի կապակցությամբ խնդրել է հերոս չդարձնել ո՛չ իրեն, ո՛չ ՌԴ նախագահ Վլադիմիր Պուտինին, ո՛չ Եվգենի Պրիգոժինին։ Բելառուսի ղեկավարի խոսքը մեջբերում է Բելառուսի նախագահի պաշտոնական կայքը։
«Ասացի՝ ոչ մի դեպքում ինձ հերոս չդարձնեք, ո՛չ ինձ, ո՛չ Պուտինին, ո՛չ Պրիգոժինին, որովհետեւ մենք բաց ենք թողել իրավիճակը, հետո մտածել ենք, որ այն աստիճանաբար կանցնի, բայց այն չանցավ։ Եվ բախվեցին երկու մարդ, որոնք կռվում էին ճակատում։ Այս գործում հերոսներ չկան»,- ասել է նա։
Հիշեցնենք՝ ավելի վաղ հայտնել էինք, որ Ալեքսանդր Լուկաշենկոն ասել էր, որ Բելառուսն անպաշտպան կմնա, եթե Ռուսաստանը փլուզվի։
