Վերջնական եզրակացություն կարվի Ռուսաստանի վերաբերյալ. Լեհաստանի օդային տարածքի խախտումը վտանգավոր է. ԱՄՆ պետքարտուղար
ԱՄՆ պետքարտուղարը հայտարարել է, որ ռուսական դրոնների ներխուժումը Լեհաստանի օդային տարածք անընդունելի, ցավալի և վտանգավոր զարգացում է: Այս մասին հայտնում է BBC-ն:
«Դրոնները միտումնավոր են արձակվել։ Կասկած չկա, որ դրանք միտումնավոր են գործարկվել։ Հարցն այն է, թե արդյոք անօդաչու թռչող սարքերը թիրախավորվել են Լեհաստան թռչելու համար: Եթե առկա տվյալները մեզ հանգեցնեն նման եզրակացության, ապա ակնհայտ է, որ դա խիստ էսկալացիոն քայլ էր։
Կան մի շարք այլ հնարավորություններ, բայց մենք ցանկանում ենք հավաքել բոլոր փաստերը և խորհրդակցել մեր դաշնակիցների հետ՝ նախքան վերջնական եզրակացություններ անելը»,- ասել է ԱՄՆ պետքարտուղար Մարկո Ռուբիոն:
