Մակրոնն «անհետացել է» ընտրությունների առաջին փուլում պարտվելուց հետո
ծՖրանսիայի նախագահ Էմանուել մակարոնն անհետացել է մամուլի ռադարներից խորհրդարանում քվեարկության արդյունքների հրապարակումից քիչ առաջ, գրում Է Bloomberg-ը:
«Էմանուել Մակրոնին չեն տեսել այն պահից ի վեր, երբ նախագահին եւ նրա կնոջը՝ Բրիջիթին, նկատել են ծովափնյա ֆրանսիական Լե Տուկե քաղաքի փողոցներում՝ մուգ արեւային ակնոցներով եւ կաշվե բոմբերներով, այն բանից մի քանի ժամ առաջ, երբ հայտնի է դարձել խորհրդարանական ընտրություններում նրա պարտության մասշտաբների մասին»,-ասվում է հոդվածում:
Նյութում նշվում է, որ Մակրոնի «վերածնունդ» կուսակցությունը կիրակի երեկոյան պարտվել է Մարին Լե Պենի «Ազգային միավորմանը» քվեարկության առաջին փուլում: Ընդ որում, նախընտրական քարոզարշավի ընթացքում Ֆրանսիայի նախագահի օգնականները պնդել են, որ ժողովրդի շրջանում ոչ պոպուլյար Հանրապետության ղեկավարը հնարավորինս քիչ շփվի մամուլի հետ։ Այնուամենայնիվ, նա մեծ հարցազրույց է տվել, որտեղ ընդդիմությանը մեղադրել է քաղաքացիական պատերազմ սանձազերծելու հնարավորության մեջ։
Նախագահի անհետացումը տեղի է ունեցել այն պահին, երբ նրա շրջապատը փորձում է ամեն կերպ ելք գտնել կրիտիկական իրավիճակից՝ ընտրություններում Լե Պեն կուսակցության առաջատար լինելու ֆոնին, եզրակացնում Է Bloomberg-ը:
