Եվրոպան հիասթափված է՝ Թրամփի զուսպ արձագանքից. Լեհաստանում իրավիճակը լարված է

ԱՄՆ-ի եվրոպական ՆԱՏՕ-ի դաշնակիցները մտահոգված են Լեհաստանում անօդաչու թռչող սարքի միջադեպին ԱՄՆ նախագահ Դոնալդ Թրամփի զուսպ արձագանքից և սկսում են կասկածել Վաշինգտոնի պատրաստակամության մեջ, հաղորդում է Reuters-ը՝ հղում անելով եվրոպացի դիվանագետներին:

Եվրոպայում Թրամփի զուսպ արձագանքը մեկնաբանվել է որպես նրա «Ամերիկան ​​առաջինը» քաղաքականության ևս մեկ դրսևորում, որը ենթադրում է, որ եվրոպական երկրները պետք է ապահովեն իրենց անվտանգությունը։

Գործակալության աղբյուրների համաձայն՝ անցյալում նմանատիպ միջադեպերը կհանգեցնեին Վաշինգտոնի անհապաղ արձագանքի։ Այժմ Թրամփի արձագանքը Եվրոպայում նկարագրվում է որպես «հրապարակային ուսերը թոթվել»։

Գործակալության փոխանցմամբ՝ եվրոպացի քաղաքական գործիչները Ամերիկայի նախագահի հայտարարությունները ընդունել են «հիասթափությամբ», «շփոթմունքով» և նույնիսկ «անհանգստությամբ»։  Սակայն ԱՄՆ-ն դա բացատրում է նրանով, որ միջադեպի պահին Նիդեռլանդները պատասխանատու էին Լեհաստանի օդային տարածքի համար։

Հավելենք՝ ավելի վաղ հայտնել էինք, որ Լեհաստանը ինքնաթիռներ է բարձրացրել օդ. երկրի որոշ հատվածներում օդային տագնապ է: