Երկրաշարժ՝ Թուրքիայում

Թուրքիայի Բալըքեշիր նահանգում գրանցվել է 4.9 մագնիտուդով երկրաշարժ։ Այս մասին հայտնել է Աղետների կառավարման վարչությունը (AFAD):

«4.9 մագնիտուդով երկրաշարժը տեղի է ունեցել, էպիկենտրոնը գտնվել է Բալըքեշիր նահանգի Սինդիրգի քաղաքի մոտակայքում, 7.7 կիլոմետր խորության վրա», - հայտնել են գերատեսչության սեյսմոլոգները։

Իր հերթին, Քանդիլլիի աստղադիտարանի սեյսմոլոգները ցնցումը գնահատել են 5.1 մագնիտուդ, իսկ էպիկենտրոնի խորությունը՝ 13.7 կիլոմետր։ Ստորգետնյա ցնցումները զգացվել են նաև Ստամբուլի արևմուտքում։