Ռուսաստանը երբեք դեմ չի եղել Ուկրաինայի անդամակցությանը ԵՄ-ին. Պուտին
Ռուսաստանը Ուկրաինայի հնարավոր անդամակցությունը ՆԱՏՕ-ին համարում է իր անվտանգությանը սպառնացող վտանգ, սակայն դա չի վերաբերում Եվրամիությանը։ Այս մասին հայտարարել է Ռուսաստանի նախագահ Վլադիմիր Պուտինը Սլովակիայի վարչապետ Ռոբերտ Ֆիցոյի հետ հանդիպման ժամանակ։
«Ինչ վերաբերում է Ուկրաինայի անդամակցությանը ԵՄ-ին, մենք երբեք դեմ չենք եղել դրան։ Ինչ վերաբերում է ՆԱՏՕ-ին, դա այլ հարց է, այստեղ խոսքը Ռուսաստանի Դաշնության անվտանգության ապահովման մասին է, և ոչ միայն այսօր», - ասել է Ռուսաստանի առաջնորդը։
