Իսրայելի կառավարության դիմաց այս պահին մոտ 80.000 ցուցարար կա

Իսրայելի ոստիկանության տվյալներով` մոտ 80 հազար ցուցարար է հավաքվել Երուսաղեմում՝ Կնեսետի (Իսրայելի կառավարություն) շենքի մոտ՝ ընդդեմ դատական ​​բարեփոխումների։

Ավելի վաղ գործադուլի պատճառով դադարեցվել էին թռիչքները Թել Ավիվի Բեն Գուրիոն օդանավակայանից։ Դրանից հետո վարչապետ Բենիամին Նեթանյահուն հայտարարել էր, որ մտադիր է  դատաիրավական բարեփոխումները կասեցնել։

Հիշենենք, որ Իսրայելում արդեն մի քանի ամիս է՝ ցույցեր են ընթանում Նեթանյահուի կառավարության նախաձեռնած դատական բարեփոխումների դեմ, որոնք նախատեսում են գերագույն դատարանի լիազորությունների սահմանափակում և դատավորների ընտրության վերահսկողության տրամադրում իշխանության գործադիր ճյուղին: Ընդդիմության կարծիքով՝ այս բարեփոխումը խարխլում է պետության ժողովրդավարական հիմքերը։ 

[79c09d78b2388aebb8cc9bad68345de4.jpg]

[8bb457d6ad943cc5d4f0faf58884b9cb.jpg]