Ադրբեջանի տարածքը օգտագործվել է իսրայելական ԱԹՍ-ների հարձակումների համար. իրանցի պաշտոնյա
Իրանի խորհրդարանի ազգային անվտանգության հանձնաժողովի նախագահ Էբրահիմ Ազիզին հայտարարել է, որ Ադրբեջանի սահմանն օգտագործվել է իսրայելական անօդաչու սարքերի Իրան ներթափանցման համար:
«Սահմանապահները վճռականորեն հայտարարել են, որ Իսրայելն օգտագործել է Ադրբեջանի սահմանը՝ անօդաչու սարքերը Իրան ներթափանցելու համար: Իրանի նախագահը և Արտաքին գործերի նախարարությունը այս հարցը բարձրացրել են Ադրբեջանի նախագահ Ալիևի հետ, ով խնդրել է փաստաթղթային ապացույցներ: Հիմա, թե արդյոք մենք կտրամադրենք փաստաթղթեր, թե ոչ, առանձին հարց է, բայց փաստն ինքնին չի կարելի հերքել: Մեր սահմանապահները ուղղակիորեն հայտարարել են. «Մենք այնտեղ էինք և մեր աչքերով տեսանք, թե ինչպես են իսրայելական անօդաչու սարքերը ներթափանցել Իրան Ադրբեջանի տարածքից»,-ասել է Էբրահիմ Ազիզին:
