Պատերազմի ընթացքում Ռուսաստանը չի կարողացել գրավել ուկրաինական հողերի ավելի քան 1%-ը․ Զելենսկի
Պատերազմի ավելի քան հազար օրվա ընթացքում Ռուսաստանի Դաշնությունը չի կարողացել գրավել ուկրաինական հողերի ավելի քան 1%-ը, այս մասին հայտարարել է Ուկրաինայի նախագահ Վլադիմիր Զելենսկին։
«Ճշմարտությունն այն է, որ պատերազմի ավելի քան հազար օրվա ընթացքում Ռուսաստանը չի կարողացել գրավել մեր հողերի ավելի քան 1%-ը։ Եվ մենք կխոսենք դրա մասին։ Կխոսենք, քանի որ դա ոչնչացնում է անպարտելի ռուսական բանակի առասպելը։ Մենք դա ապացուցել ենք։ Մենք շարունակում ենք ապացուցել նաև հիմա», - ասել է Ուկրաինայի նախագահը Անկախության օրվա կապակցությամբ իր ելույթում։
