ԱՄՆ դեսպանը Նեթանյահուի հետ քննարկել է Իսրայելի հարվածները Լիբանանին և Սիրիային
ԱՄՆ Սիրիայի հարցերով հատուկ ներկայացուցիչ Թոմաս Բարաքը ժամանել է Իսրայել, որտեղ վարչապետ Բենիամին Նեթանյահուի հետ քննարկել է Լիբանանին և Սիրիային Իսրայելի հարվածների հարցը, հաղորդում է Axios-ի լրագրող Բարաք Ռավիդը՝ հղում անելով երեք իսրայելական և ամերիկյան աղբյուրների։
«ԱՄՆ դեսպան Թոմ Բարաքը ժամանել է Իսրայել և կիրակի օրը հանդիպել վարչապետ Նեթանյահուի հետ՝ Իսրայելին ուղղված Թրամփի վարչակազմի խնդրանքի վերաբերյալ՝ դադարեցնել Լիբանանի վրա հարձակումները և Սիրիայի հետ բանակցությունները», – գրել է Ռավիդը սոցիալական ցանցերում։
ԱՄՆ վարչակազմը միաժամանակ առաջ է մղում Իսրայելի և Լիբանանի, ինչպես նաև Իսրայելի և Սիրիայի միջև անվտանգության նոր համաձայնագրեր՝ որպես հարաբերությունների հնարավոր կարգավորման առաջին քայլ: Ամերիկացի պաշտոնյաները նշում են, որ քանի որ Գազայում պատերազմը շարունակվում է, Իսրայելի համար կարևոր է նվազեցնել լարվածությունը Սիրիայի և Լիբանանի հետ սահմաններին և ապահովել նոր համաձայնագրեր հարևան երկրների հետ:
Փետրվարին Իսրայելի պաշտպանության բանակը ավարտեց իր զորքերի դուրսբերումը հարավային Լիբանանից՝ համաձայն Իսրայելի իշխանությունների հետ 2024 թվականի նոյեմբերին կնքված հրադադարի համաձայնագրի՝ մեկ տարվա շարունակական ռազմական էսկալացիայից հետո։
Միևնույն ժամանակ, իսրայելական բանակը մնաց հարավային Լիբանանի հինգ ռազմավարական դիրքերում՝ դա բացատրելով անվտանգության վերահսկողության շահերով։
