Մասկը մտադիր է ֆինանսավորել ԱՄՆ փոխնախագահի նախագահական արշավը
The Wall Street Journal հեղինակավոր պարբերականը հայտնում է, որ միլիարդատեր Իլոն մասկը հետաձգել է իր՝ ԱՄՆ- ում երրորդ կուսակցության ստեղծման ծրագրերը, որպեսզի չփչացնի հարաբերությունները ազդեցիկ հանրապետականների հետ:
Փոխարենը, ինչպես նշվում է, Մասկը կարող է իր հսկայական ֆինանսական ռեսուրսների մի մասն ուղղել Ջեյ Դի Վենսին աջակցելուն, եթե նա 2028 թվականին որոշի առաջադրվել նախագահի պաշտոնում:
Ընդ որում, գործարարը պաշտոնապես չի հրաժարվել նոր կուսակցություն ստեղծելու գաղափարից և կարող է դրան վերադառնալ միջանկյալ ընտրություններին մոտ, հավելել է աղբյուրը:
