Մասկը` կուսակցության ստեղծման դադարեցնելու լուրերի մասին

Ամերիկացի ձեռնարկատեր Էլոն Մասկը մեկնաբանել է Wall Street Journal-ի այն լուրը, որ ինքը հետաձգել է սեփական կուսակցության ստեղծումը՝ ասելով, որ թերթի լուրը «չպետք է ընդունվի որպես ճշմարտություն»։

«Wall Street Journal-ի գրածը երբեք չպետք է ընդունվի որպես ճշմարտություն», - գրել է Մասկը X սոցիալական ցանցում։ Այսպես է ձեռնարկատերը արձագանքել սոցիալական ցանցի օգտատիրոջ մեկնաբանությանը թերթի այն լուրի վերաբերյալ, որ Մասկը հետաձգում է սեփական կուսակցություն ստեղծելու ծրագրերը։

Ավելի վաղ Wall Street Journal-ը, հղում անելով աղբյուրներին, հայտնել էր, որ Մասկը հետաձգում է սեփական քաղաքական կուսակցություն ստեղծելու ծրագրերը, քանի որ չի ցանկանում գրավել հանրապետական ընտրողներին։