Մոսկվան Բաքվի հետ կքննարկի «Զանգեզուրի միջանցքի» հարցը. Օվերչուկ

Մոսկվան Բաքվի հետ քննարկելու է «Զանգեզուրի միջանցքի» հարցը: Այս մասին հայտնել է Ռուսաստանի փոխվարչապետ Ալեքսեյ Օվերչուկը: 

Օվերչուկը նախատեսում է հաջորդ շաբաթ Ռուսաստանում հանդիպել ադրբեջանական կողմի հետ և քննարկել Հարավային Կովկասում տրանսպորտային հաղորդակցությունների ապաշրջափակման հարցերը։

«Ես նաև հանդիպում կունենամ ադրբեջանական կողմի հետ հաջորդ շաբաթվա վերջին։ Մենք այնտեղ նույնպես կքննարկենք այս հարցերը (Հարավային Կովկասում տրանսպորտային հաղորդակցությունների ապաշրջափակումը)։ Այսպիսով, առաջընթաց է նկատվում», - ասել է Ռուսաստանի փոխվարչապետը։

Հիշեցնենք` Օվերչուկը հայտնել էր, որ Ռուսաստանը աջակցում է Հայաստանին Ադրբեջանի հետ «Թրամփի ուղի» անվամբ տրանսպորտային միջանցք ստեղծելու ծրագրերում, եթե Երևանը դա անհրաժեշտ համարի։