Ռուսաստանից արձագանքել են «Թրամփի ուղի» նախագծին
«Թրամփի ուղի» նախագծի մանրամասները դեռ չեն հրապարակվել, բայց հաղորդակցությունների ապաշրջափակման դեպքում պետք է հաշվի առնել ՀՀ անդամակցությունը ԵԱՏՄ-ին և ՌԴ սահմանապահների ներկայությունը ՀՀ-ում: Այս մասին հայտնել է ՌԴ ԱԳՆ տեղեկատվության և մամուլի դեպարտամենտի փոխտնօրեն Ալեքսեյ Ֆադեևը։
«Սյունիքի մարզով անցնող հաղորդակցությունները ապաշրջափակելիս մենք պետք է հաշվի առնենք ՌԴ սահմանապահների ներկայությունը: Միևնույն ժամանակ, նախարարությունը զերծ է մնացել իր կարծիքը հայտնելուց մինչև նախագծի մանրամասների ուսումնասիրությունը, որոնք, ի դեպ, դեռևս հրապարակված չեն»,- ասել է Ալեքսեյ Ֆադեևը:
Նա նշել է, որ Ռուսաստանը արդիական է համարում Ռուսաստանի, Հայաստանի և Ադրբեջանի ղեկավարների 2020-22 թվականների եռակողմ համաձայնագրերը։ Կողմերից ոչ մեկը չի հայտարարել այդ համաձայնագրերից դուրս գալու մասին։
