Ուկրաինայի պաշտպանության ուժերը Սումիի մարզում ազատագրել են երկու գյուղ
Ուկրաինայի պաշտպանության ուժերը ազատագրել են Սումիի մարզի Ստեպնոյե և Նովոկոնստանտինովկա բնակավայրերը, հաղորդում են ուկրաինական լրատվամիջոցները՝ հղում անելով երկրի զինված ուժերի գլխավոր շտաբին։
Գլխավոր շտաբը բացատրել է, որ պաշտպանության ուժերը ձեռնարկում են բոլոր ջանքերը՝ ռուսների հարձակման ծրագրերը խափանելու և նրանց մարտական ներուժը սպառելու համար։
Նշվում է, որ թշնամին օգտագործում է իր թվային առավելությունը և, չնայած այն հանգամանքին, որ մեծ մասշտաբով կորցնում է իր անձնակազմը, փորձում է փոքր խմբերով ներթափանցել ուկրաինական դիրքերի առաջին գիծ:
Գլխավոր շտաբը հայտնել է, որ Ուկրաինայի զինված ուժերի գլխավոր հրամանատար Ալեքսանդր Սիրսկին որոշել է լրացուցիչ ուժեր և ռեսուրսներ հատկացնել՝ պաշտպանական գիծը թափանցող թշնամու դիվերսիոն խմբերը հայտնաբերելու և ոչնչացնելու համար։
