Ռուսական զորքերը հարվածել են ուկրաինական ցամաքային զորքերի ստորաբաժանմանը. կա զոհ և վիրավորներ
Օգոստոսի 12-ի գիշերը Ուկրաինայի ցամաքային զորքերի ուսումնական ստորաբաժանումներից մեկի տարածքում ռուսական հրթիռային հարվածի հետևանքով մեկ զինծառայող զոհվել է, ևս 23-ը՝ վիրավորվել։
Գիշերը Կիևում և որոշ շրջաններում հայտարարվել է օդային տագնապ՝ ռուսների կողմից բալիստիկ զենքի կիրառման սպառնալիքի պատճառով։
Ուկրաինայի ռազմաօդային ուժերը հայտնել են Չեռնիգովի մարզի արևելքում՝ արևմտյան ուղղությամբ, բարձր արագությամբ թիրախների մասին, ավելացրել են որ թիրախը Նիժինից ավելի հեռու է շարժվում` Դեսնայի ուղղությամբ։
Առավոտյան ռազմաօդային ուժերը հայտնել են, որ ռուսները հարձակվել են Ուկրաինայի վրա 48 «Շահեդ» տիպի հարձակողական անօդաչու թռչող սարքերով և տարբեր տեսակի անօդաչու թռչող սարքերի իմիտատորներով, ինչպես նաև 4 «Իսկանդեր-Մ/ԿՆ-23» բալիստիկ հրթիռներով։ Նշվել է, որ 3 հրթիռ հասել է իրենց թիրախին։
