Գուցե Փաշինյանի հետ պայմանավորվենք դիմում ուղարկենք, որ Թրամփին հանձնվի Նոբելյան մրցանակ․ Ալիև

Մի առաջարկ անեմ, գուցե մենք վարչապետ Փաշինյանի հետ պայմանավորվենք և համատեղ դիմում ուղարկենք Նոբելյան հանձնաժողովին, որ նախագահ Թրամփին հանձնվի Խաղաղության Նոբելյան մրցանակ։ Այս մասին ասել է Ադրբեջանի նախագահ Իլհամ Ալիևը։

«Այսօր մենք նախաստորագրեցինք խաղաղության պայմանագիրը աշխարհի թիվ մեկ մայրաքաղաքում, թիվ մեկ նստավայրում։ Հատկապես՝ ԱՄՆ նախագահի մոտ, և դա չի թողնում կասկած, որ կողմերից որևէ մեկը կհրաժարվի։ Եթե ես կամ Փաշինյանը նման կասկած ունենայինք, այստեղ չէինք լինի»,- նշել է նա։

Նշենք, որ այսօր Վաշինգտոնում  կայացել է Փաշինյան-Թրամփ-Ալիև հանդիպումը։