Սյունիքը եղել է ու կմնա Հայաստանի Հանրապետության մաս․ Նիկոլ Փաշինյան

Սյունիքը եղել է ու կմնա Հայաստանի Հանրապետության մաս, ասուլիսի ժամանակ այս մասին հայտարարել է վարչապետ Նիկոլ Փաշինյանը։

«Ստորագրված հռչակագրով մենք արձանագրեցինք՝ Հայաստանն ու Ադրբեջանը միմյանցից տարածքային պահանջներ չեն ունենալու»,-ասել է նա։

Փաշինյանի խոսքով՝ որևէ ուժային, ռազմական կոմպոնենտ չկա ու դրա մասին խոսք լինել չի կարող․ «Պետք չէ ստեղծել խոսույթներ, որոնք չկան»։

Վարչապետը նշել է, որ ինքնիշխանությունը, տարածքային ամբողջականությունն ու իրավազորությունը չեն կարող խախտվել։

Նա հավելել է «Եթե Հայաստանի և Ադրբեջանի քաղաքացիներ օգտվեն միմյանց տրանսպորտային միջոցներից, դա կլինի խաղաղության ամենկայուն երաշխիքը»։ 

Հիշեցնենք՝ երեկ Վաշինգտոնում Նիկոլ Փաշինյանը, Իլհամ Ալիևն ու Դոնալդ Թրամփը պաշտոնապես համաձայության եկան «Թրամփի երթուղին» շահագործելու հարցի շուրջ։