Այսօր Է այդ օրը. Արսեն Թորոսյանը` Փաշինյան-Թրամփ-Ալիև հանդիպման մասին
Այսօր Է այդ օրը։ Հայաստանի և Ադրբեջանի միջև երկկողմ ջանքերի և ԱՄՆ-ի միջնորդության ու աջակցության շնորհիվ մոտենում ենք խաղաղությանը Հարավային Կովկասում։ Այս մասին ֆեյսբուքյան իր էջում գրել է ՔՊ պատգամավոր Արսեն Թորոսյանը:
«Սպասում ենք պաշտոնական հայտարարությունների և փաստաթղթերի»,- գրել է պատգամավորը:
Հիշեցնենք` այսօր՝ Վաշինգտոնի ժամանակով 14:30-ին, իսկ Հայաստանի ժամանակով 22:30-ին, տեղի կունենա ՀՀ վարչապետ Նիկոլ Փաշինյանի և ԱՄՆ նախագահ Դոնալդ Թրամփի հանդիպումը:
Վաշինգտոնում վարչապետ Փաշինյանը երկկողմ հանդիպում կունենա Ամերիկայի Միացյալ Նահանգների նախագահ Դոնալդ Թրամփի հետ՝ Հայաստան-ԱՄՆ ռազմավարական գործընկերությունը խորացնելու նպատակով, ինչպես նաև եռակողմ հանդիպում՝ ԱՄՆ նախագահ Դոնալդ Թրամփի և Ադրբեջանի նախագահ Իլհամ Ալիևի հետ՝ միտված տարածաշրջանում խաղաղության, բարօրության և տնտեսական համագործակցության առաջմղմանը։
