Պուտին-Թրամփ հանդիպումը կարող է պատմական դառնալ. Դմիտրիև
Ռուսաստանի նախագահ Վլադիմիր Պուտինի և ԱՄՆ նախագահ Դոնալդ Թրամփի միջև սպասվող հանդիպումը կարող է պատմական դառնալ։ Այս կարծիքը հայտնել է Ռուսաստանի ուղղակի ներդրումների հիմնադրամի ղեկավար, Ռուսաստանի նախագահի արտասահմանյան երկրների հետ տնտեսական համագործակցության հարցերով հատուկ ներկայացուցիչ Կիրիլ Դմիտրիևը։
«Ռուսաստանը հաստատում է, որ Պուտին-Թրամփ գագաթնաժողովը կարող է տեղի ունենալ հաջորդ շաբաթ, և դրա նախապատրաստական աշխատանքները շարունակվում են։ Այս հանդիպումը կարող է պատմական լինել։ Երկխոսությունը կհաղթի», - գրել է նա X-ում։
Հիշեցնենք` Ռուսաստանի առաջնորդի օգնական Յուրի Ուշակովը հայտնել էր, որ Հաջորդ շաբաթը նշանակվել է որպես Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի հանդիպման նպատակային ամսաթիվ:
