Նշանակվել է Պուտինի և Թրամփի հանդիպման օրը
Հաջորդ շաբաթը նշանակվել է որպես Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի հանդիպման նպատակային ամսաթիվ: Այս մասին հայտարարել է Ռուսաստանի առաջնորդի օգնական Յուրի Ուշակովը։
Վերջինս պատասխանել է լրագրողների խնդրանքին՝ մեկնաբանելու The New York Times (NYT)-ի այն հրապարակմանը:
«Ինչ վերաբերում է եռակողմ հանդիպման տարբերակին, որի մասին երեկ, չգիտես ինչու, խոսել են Վաշինգտոնում, այդ տարբերակը պարզապես հիշատակվել է ամերիկյան ներկայացուցչի կողմից։ Բայց այն չի քննարկվել։ Ռուսական կողմն այդ տարբերակը թողել է առանց մեկնաբանության», - ընդգծել է Ուշակովը։
Ըստ նրա՝ ռուսական կողմն առաջարկում է ամբողջությամբ կենտրոնանալ երկկողմ հանդիպման կազմակերպման վրա։
«Մենք առաջարկում ենք, նախևառաջ, կենտրոնանալ Թրամփի հետ երկկողմ հանդիպումը նախապատրաստելու վրա, և կարծում ենք, որ գլխավորն այն է, որ այս հանդիպումը լինի հաջող և արդյունավետ»,- հավելել է նա։
Հիշեցնենք՝ Դոնալդ Թրամփը Գերմանիայի կանցլեր Ֆրիդրիխ Մերցի հետ հեռախոսազրույց է ունեցել։ Թրամփը հայտնել է, որ Ուիթքոֆֆի և Պուտինի միջև զրույցն ավելի արդյունավետ է եղել, քան սպասվում էր։
Միևնույն ժամանակ The New York Times-ը հայտնել էր, որ իր աղբյուրների համաձայն՝ Թրամփը մտադիր է արդեն հաջորդ շաբաթ անձամբ հանդիպել Պուտինի հետ։
