Թրամփը պատրաստ է կրկին հարվածել Իրանի միջուկային օբյեկտներին

ԱՄՆ նախագահ Դոնալդ Թրամփը այսօր հայտարարել է, որ պատրաստ է կրկին հարվածել Իրանի միջուկային օբյեկտներին, եթե Իրանը շարունակի աշխատել իր միջուկային ներուժի վրա։

Իրանի փոխարտգործնախարար Մաջիդ Թախտ-Ռավանչիի խոսքով՝ իրանական կողմը ուրբաթ օրը «եվրոպական եռյակի» (Մեծ Բրիտանիա, Ֆրանսիա, Գերմանիա) ներկայացուցիչներին ասել է, որ իրավունք ունի շարունակել ուրանի հարստացումը միայն Իսլամական Հանրապետության տարածքում։

«Մենք ոչնչացրել ենք նրանց միջուկային ներուժը։ Նրանք կարող են ամեն ինչ սկսել նորից։ Եթե նրանք դա անեն, մենք այն կոչնչացնենք ավելի արագ, քան դուք կարող եք մատ թափ տալ։ Մենք ստիպված կլինենք դա անել։ Մենք դա կանենք ուրախությամբ, բացահայտ և ուրախությամբ։ Իրանը վատ ազդանշաններ է ուղարկում։ Ես ձեզ կասեմ, որ այն երկրի համար, որը հենց նոր է ոչնչացվել, նրանք շատ վատ ազդանշաններ են ուղարկում, շատ տհաճ ազդանշաններ, և նրանք չպետք է դա անեն», - Շոտլանդիայում մամուլի ասուլիսում ասել է Թրամփը։

Հունիսի 13-ի գիշերը Իսրայելը գործողություն սկսեց Իրանի դեմ՝ մեղադրելով նրան գաղտնի ռազմական միջուկային ծրագիր իրականացնելու մեջ։

Կողմերը 12 օր շարունակ փոխանակվեցին հարվածներով, որոնց միացավ նաև Միացյալ Նահանգները, որը հունիսի 22-ի գիշերը միանվագ հարձակում իրականացրեց Իրանի միջուկային օբյեկտների վրա։ Դրանից հետո Թեհրանը հունիսի 23-ի երեկոյան հրթիռային հարվածներ հասցրեց Կատարում գտնվող ամերիկյան Ալ Ուդեյդ բազային՝ նշելով, որ իրանական կողմը չի մտադիրվում ավելի սրել իրավիճակը։