Այսօր, ինչ անում է վարչապետը եկեղեցու դեմ բացարձակ ապօրինի գործընթաց է․ Թաթոյան

Այն, ինչ այսօր անում է վարչապետը եկեղեցու դեմ բացարձակ ապօրինի գործընթաց է։ Այս մասին այօսր Մայր աթոռի բակում լրագրողների հետ զրույցում ասել է Մարդու իրավունքների նախկին պաշտպան Արման Թաթոյանը։

«Վարչապետը, թաքնվելով Հայոց եկեղեցու հավատավոր լինելու արտահայտության տակ, իրականում ծավալում է Հայ առաքելական սուրբ եկեղեցին պառակտող և հայ ժողովրդի մեջ թշնամանք սերմանող գործունեություն»,- ասել է Թաթոյանը։

«Վարչապետի կարգավիճակից բխող կոնկրետ լիազորություններից ցանկացած շեղում արդեն օրենքի կոպիտ խախտում է։ Տպավորություն է, որ գործում է կազմակերպված գործընթաց՝ հստակ դերաբաշխմամբ։ Վարչապետից բխում է ամբողջ քաղաքականությունը․ նա տարածում է գաղափարներ, իսկ հետո բարձրաստիճան պաշտոնատար անձինք՝ պատգամավորներ, որոշ նախարարներ, սկսում են դրանք իրականացնել», – ընդգծել նախկին ՄԻՊ-ը։

Մանրամասները՝ տեսանյութում։