Փաշինյանը չի բացառում ՀԷՑ-ի արտապատվիրակման տարբերակը

«Այս պատմությունը նոր չի սկսվել, ՀԷՑ-ի վերաբերյալ դժգոհությունները սկսվել են իմ մարզային այցելություններից, երբ քաղաքացիների կողմից բողոքներ են ստացվել։

Մեր նպատակադրումը հետևյալն է. այս փուլում պետությունը պետք է վերցնի ՀԷՑ-ի կառավարումը, և կվերցնենք։ Բայց մենք ամենևին չենք ասել, որ պետականացման կամ ետգնման գործընթացից հետո կամ այդ ընթացքում հենց պետությունն է միշտ լինելու Հայաստանի էներգետիկ ցանցերի կառավարողը։

Մենք խնդիր ունենք գտնել ամենաարդյունավետ կառավարչին և այդ կառավարման նկատմամբ ձևավորել հանրային և պետական վերահսկողություն»,- այսօր ասուլիսում հայտարարել է վարչապետ Նիկոլ Փաշինյանը՝ չբացառելով նաև արտապատվիրակման տարբերակը։

Փաշինյանի խոսքով՝ ՀԷՑ-ն իր նախորդող շրջանի գործունեության ընթացքում ի հեճուկս կառավարության բազմաթիվ հորդորներին ու խնդրանքներին, պատշաճ քայլեր չի ձեռնարկել, հետևաբար, կառավարությունն է պարտավոր պատշաճ քայլեր ձեռնարկել։

Ավելի ուշ վարչապետը հայտնել է, որ ՀԷՑ-ը չի կարող տրվել կառավարման մի երկրի, ում հետ ունենք փակ սահմաններ, չունենք դիվանագիտական կապ:

Մանրամասները՝ տեսանյութում: