«Հայաստանի պատմությունը» սեպտեմբերից՝ դպրոցներում
Հայաստանի պատմությունը» սեպտեմբերից՝ դպրոցներում:
Այս մասին ֆեյսբուքյան իր էջում գրել է ԿԳՄՍ նախարար Ժաննա Անդրեասյանը և դասագրքից լուսանկար է հրապարակել։
«Հայոց պատմությո՞ւն», թե՞ «Հայաստանի պատմություն».
Հիշեցնենք, որ դեռ 2024թ-ին հարցը քննարկման առարկա դարձավ կրթության ոլորտի մասնագետների, պատմաբանների, քաղաքական գործիչների շրջանում: Դասագիրքը վերանվանելու մասին ավելի վաղ բարձրացրել էր նաեւ ՀՀ վարչապետը։
ԿԳՄՍ փոխնախարար Արաքսյա Սվաճյանն ավելի վաղ վստահեցրել էր՝ դասագրքի անունը որոշել են փոխել տարբեր մասնագետների հետ քննարկման արդյունքում: Ըստ նրա՝ կրթության նոր չափորոշիչների արդյունքում արդեն բովանդակությունը փոխած դասագիրքը միայն կվերանվանվի։
«Դասագրքերը բովանդակային որևէ փոփոխություն չեն կրի, այդ բովանդակությունը չափորոշիչով արդեն իսկ ամրագրված է։ Այսինքն՝ մենք չենք խոսում առարկայական ծրագրի և չափորոշչի փոփոխության մասին, այլ միայն անվան»,- ասել էր ԿԳՄՍ փոխնախարարը:
