Ուզում ենք՝ ԵԱՀԿ Մինսկի խումբը նետվի պատմության աղբանոցը․ Ադրբեջանի նախագահի օգնական

«Մենք ուզում ենք, որ ԵԱՀԿ Մինսկի խումբը նետվի պատմության աղբանոցը։ Դա դիվանագիտական ֆիասկո էր և լիակատար ձախողում։ 30 տարի Մինսկի խումբը անհաջող առաքելություն է իրականացրել՝ առանց հակամարտության կարգավորման որևէ իրական հեռանկարի»,-ասել է Ադրբեջանի նախագահի օգնական Հիքմեթ Հաջիև Berliner Zeitung-ին տված հարցազրույցում։

Նրա խոսքով՝ Ադրբեջանն ու Հայաստանը չեն քննարկում Երևանի կողմից փոխհատուցման վճարման հարցը ներկայիս բանակցությունների ընթացքում։

«Այնուամենայնիվ, Ադրբեջանը կատարել է պատճառված վնասի լիարժեք գնահատում։ ՄԱԿ-ի մեթոդաբանության համաձայն՝ վնասի չափը գնահատվում է մոտավորապես 150 միլիարդ դոլար»,- հավելել է նա։