Դատվելու եք․ արքեպիսկոպոս Գալստանյանը նամակ է ուղղել Ավանեսյանին
Սրբազան Պայքարի առաջնորդ, քաղբանտարկյալ Բագրատ արքեպիսկոպոս Գալստանյանը նամակ է գրել՝ ՔԿՀ-ից։ Նամակը ուղղել է ՀՀ առողջապահության նախարար Անահիտ Ավանեսյանին։
«Զավեշտի թագուհին…
Փաստաբանիցս՝ պարոն Խուդոյանից տեղեկացա, որ տեղեկատվական ահաբեկչությամբ զբաղվող խմբի ոչ այնքան կարկառուն, բայց կարկառուն դառնալու հավակնություններ և ձգտումներ դրսևորող անդամներից առողջապահության դեռևս «նախարար» Անահիտ Ավանեսյանը ինչ-որ դատական գործընթաց է սկսում իմ դեմ «ժողովրդին վիրավորելու» պատրվակով»,- գրել է արքեպիսկոպոս Գալստանյանը։
Արքեպիսկոպոս Գալստանյանը խորհուրդ է տվել, Ավանեսյանին ժամանակ գտնի և ընթերցի իր հեղինակած «Հայաստանի առողջապահական համակարգը. անցյալը, ներկան և հեռանկարները (կենսաբարոյաբժշկական և աստվածաբանական հայացք)» գիրքը։
«Գուցե մի փոքր օգուտ կքաղեք ոլորտը վերջնականապես կործանելուց առաջ»,-նշված է նամակում։
«Իսկ, որ դատվելու եք՝ դա անխուսափելի է, քանզի
Հաղթանակն այլընտրանք չունի…»,- գրել է Գալստանյանը։
