Սամվել Կարապետյանի եղբորորդին նշել է` ինչ է դատարանն արգելել Հայաստանին ՀԷՑ-ի հետ կապված
Սամվել Կարապետյանը հաղթել է ՀՀ կառավարությանը ՀԷՑ-ը պետականացնելու գործով միջազգային դատարանում: Այս մասին ֆեյսբուքյան իր էջում գրել է Սամվել Կարապետյանի եղբորորդի Նարեկ Կարապետյանը:
«Դատարանը արգելել է ՀՀ կառավարությանը՝
• բռնագրավել կամ վաճառել ՀԷՑ-ի ակտիվները
• փոխել ՀԷՑ-ի կառավարման մարմինների կազմը
• հետ վերցնել ՀԷՑ-ի գործունեության լիցենզիաները
• և որևէ կերպ սահմանափակել ընկերության բնական բիզնես գործունեությունը
Այս վճիռը ցույց է տալիս, որ աշխարհում արդարությունը գործում է, և այն չի իրականացվում Facebook-ով, ինչպես այսօր Հայաստանում»,- գրել է Կարապետյանը:
Հիշեցնենք` Սամվել Կարապետյանը և իր ընտանիքը հաղթել են Հայաստանի Հանրապետության կառավարության դեմ նախաձեռնած արբիտրաժային հրատապ գործը։
