Ես լուծեցի ՆԱՏՕ-ի խնդիրը․ Դոնալդ Թրամփ
ԱՄՆ նախագահ Դոնալդ Թրամփը դրական է գնահատել ՆԱՏՕ-ի պաշտպանական ծախսերի նպատակային ավելացումը մինչև համախառն ներքին արդյունքի (ՀՆԱ) 5%-ը։ Նա համապատասխան հայտարարությունն արել է հուլիսի 12-ին։
«Տեսաք, ես անցյալ շաբաթ լուծեցի ՆԱՏՕ-ի խնդիրը։ Եվ հիմա յուրաքանչյուր երկիր զգալիորեն ավելի շատ է վճարում, օրինակ՝ 2%-ից մինչև 5%», - ասել է նա։
Ըստ նրա, արդյունքում ռազմական դաշինքը սկսել է ստանալ ավելի քան 1 տրիլիոն դոլար։
Թրամփն ասել է, որ առևտրի ոլորտում ԱՄՆ-ն նույնպես «լավ է գործում»։ Ամերիկացի առաջնորդը վստահություն է հայտնել, որ ամեն ինչ կընթանա «շատ արդյունավետ»։
ՆԱՏՕ-ի գագաթնաժողովը տեղի ունեցավ Հաագայում հունիսի 24-25-ը։ Հանդիպումից հետո երկրները համաձայնեցին պաշտպանության ծախսերը հասցնել ՀՆԱ-ի 5%-ին։
Հիշեցնենք՝ հունիսի 26-ին, ԵՄ անդամ պետությունների ղեկավարները հաստատետել են պաշտպանության և անվտանգության հարցերը հինգ տարվա ընթացքում ինքնուրույն լուծելու կարողության հասնելու նպատակը՝ ընդունելով համապատասխան փաստաթուղթ։ Նրանք նաև նշել են ԵՄ երկրների պաշտպանունակության բարձրացմանն ուղղված համատեղ նախագծերի կարևորությունը։
