Մենք դատապարտում ենք այդ գործողությունը. BRICS գագաթնաժողովի մասնակիցներ

Ռիո դե Ժանեյրոյի գագաթնաժողովում BRICS-ի առաջնորդները դատապարտեցին Իրանի վրա հարվածները։ Այս մասին ասվում է մասնակիցների հայտարարության մեջ։

«Մենք դատապարտում ենք 2025 թվականի հունիսի 13-ին Իրանի Իսլամական Հանրապետության վրա ռազմական հարվածները, որոնք միջազգային իրավունքի և ՄԱԿ-ի կանոնադրության խախտում են, և լուրջ մտահոգություն ենք հայտնում Մերձավոր Արևելքում անվտանգության իրավիճակի հետագա սրման վերաբերյալ», - ասվում է հայտարարության մեջ։

Փաստաթղթի տեքստի համաձայն՝ BRICS-ի անդամները մտահոգված են քաղաքացիական ենթակառուցվածքների և Ատոմային էներգիայի միջազգային գործակալության կողմից վերահսկվող միջուկային օբյեկտների վրա հարձակումներով։ Բացի այդ, նրանք մտահոգված են միջուկային վտանգի և հակամարտությունների աճող ռիսկերով։ Գագաթնաժողովի մասնակիցները կոչ են արել ակտիվացնել զինաթափման և սպառազինությունների վերահսկման համակարգը՝ կայունությունն ու համաշխարհային անվտանգությունն ապահովելու համար։