Արծվիկ Մինասյանը հայտարարություն է արել
Ամենայն պատասխանատվությամբ հայտարարում եմ, այն, ինչ գլխավոր դատախազն այստեղից ասում է, օրենքի հետ որևէ առնչություն չունի: Այս մասին ԱԺ-ում ասել է «Հայաստան» խմբակցության պատգամավոր Արծվիկ Մինասյանն՝ անդրադառնալով իրեն անձեռնմխելիությունից զրկելու միջնորդությանը։
«Եթե ցածր իրավական պատկերացում ունեցող, օրենքները սխալ մեկնաբանող, սխալ հասկացող, միայն հանձնարարություններ կատարող կամ կամավոր հանձնարարությունների տակ մտած անձը փորձում է հակաօրինական բան վերագրել ինձ, ես դրանից զայրանում եմ։ Այո, ինձ հասցված վիրավորանքից ես զայրանում եմ»,- ասել է Մինասյանը։
Հիշեցնենք` ուրբաթ կայացած նիստում արդեն իսկ քննարկվել են Սեյրան Օհանյանին վերաբերող հարցը։ Այսօր խորհրդարանը կշարունակի քննարկել Արծվիկ Մինասյանի վերաբերյալ հարցը, ապա նաեւ Արթուր Սարգսյանի հարցը։
