Իրանում վերջին հրաժեշտն են տալիս 12-օրյա պատերազմի նահատակներին
Թեհրանում այսօր հրաժեշտ են տալիս Դիմադրության ավելի քան 60 նահատակներին որոնց թվում են հրամանատարներ, գիտնականներ, կանայք ու երեխաներ։ Նահատակների հրաժեշտի արարողությունը մեկնարկել է Հեղափոխության հրապարակից և հասել Ազատության հրապարակ, դառնալով իմպերիալիզմի դեմ պայքարում իրանցիների միասնության խորհրդանիշ։
Իրանի նախագահը մասնակցել է Սիոնիստական ռեժիմի հարձակման զոհերի հուղարկավորության արարողությանը:
Իրանի հեռուստատեսության լրատվական ծառայության հաղորդմամբ՝ մուհարրամ ամսվա երկրորդ օրն Իրանի մայրաքաղաքում ընթանում է մի արարողություն, որը հավերժ կմնա ժողովրդի պատմական հիշողության մեջ։
Հրաժեշտի արարողությունը մեկնարկել է ժամեր առաջ՝ մեծ թվով իրանցիների մասնակցությամբ:
Արարողությունը մեկնարկել է Թեհրանի համալսարանի գլխավոր մուտքի մոտից։ Վայր, որն իրանցի երիտասարդների համար տարիներ շարունակ եղել է ապստամբությունների մեկնակետը, նահատակներին հրաժեշտ տալու վայրը և վեհ գաղափարների օրրանը։ Այսօր Իրանի զավակները՝ տղամարդիկ ու կանայք, երիտասարդներն ու ծերերը, սգավոր, բայց հպարտ սրտերով եկել են Ազատության հրապարակ՝ հրաժեշտ տալու նահատակներին։
