Ապամոնտաժման աշխատանքներ՝ Երևանի կենտրոնում
Երևանի քաղաքապետարանն իրականացնում է ապամոնտաժման աշխատանքներ «Հին Էրիվան» ռեստորանային համալիրի դիմացի հատվածում՝ Հյուսիսային պողոտա 2 հասցեում։ Այս մասին հայտնում են Երևանի քաղաքապետարանից։
Այս գործընթացը հանդիսանում է քաղաքային միջավայրը բարելավելու և հանրային տարածքները քաղաքացիներին վերադարձնելու հետևողական քաղաքականության մաս։
Աստիճանաբար վերականգնվում են Երևան համայնքին պատկանող տարածքները՝ նպատակ ունենալով ստեղծել ավելի հասանելի, հարմարավետ և մարդու կարիքներին համապատասխան քաղաքային միջավայր։
