Իրանը բալիստիկ հրթիռներով հարձակվել է. Իսրայելում տագնապ, կան զոհեր
Իրանը բալիստիկ հրթիռներ է արձակել Իսրայելի ուղղությամբ, որոնցից առնվազն մեկը ընկել է Բեեր Շեբա քաղաքում։ Ըստ Channel 12-ի, Բեեր Շեբա քաղաքի վրա ընկած հրթիռը հարվածել է 7-հարկանի շենքի։
Հաղորդվում է, որ հրթիռային հարձակման հետևանքով կան զոհեր և մի քանի վիրավորներ։
Իսրայելական զինվորականների տվյալներով՝ Իրանից ևս մի քանի հրթիռ է արձակվել։ Տեղի բնակիչներին հրամայվել է ապաստան գտնել։ Շատ քաղաքներում տագնապի ազդանշաններ են տրվել։
Ենթադրվում է, որ հարձակումը պատասխան է Իսրայելի կողմից Թեհրանի գիշերային հրետակոծությանը։ Իսրայելի ռազմաօդային ուժերը միաժամանակ հարվածել են քաղաքի մի քանի շրջանների։
ԱՄՆ նախագահ Դոնալդ Թրամփի կողմից հայտարարված հրադադարը, ինչպես սպասվում է, կսկսվի մի քանի ժամից։
