ԵՄ-ի և Հայաստանի միջև վիզաների ազատականացման մասին
ԵՄ-ի և Հայաստանի միջև վիզաների ազատականացման երկխոսությունը գտնվում է ակտիվ փուլում։
«Սա համագործակցության նոր ոլորտներից մեկն է, որը նաև ամրագրված է ԵՄ-ի և Հայաստանի միջև կնքված Համապարփակ և ընդլայնված գործընկերության համաձայնագրում (CEPA): Շատ կարևոր է, որ մենք որոշեցինք շարժվել այս ուղղությամբ անցյալ տարվա հուլիսին: Աշխատանքը շարունակվում է»,- հայտնել է ԵՄ-ի պատվիրակության ղեկավար Վասիլիս Մարագոսը ԵՄ-Հայաստան քաղաքացիական հասարակության հարթակի շրջանակներում կազմակերպված քննարկման ժամանակ։
Ներկայումս Հայաստանի իշխանությունների հետ կոնկրետ աշխատանքներ են տարվում վիզաների ազատականացման գործողությունների ծրագիր պատրաստելու ուղղությամբ: Այս ծրագիրը նախատեսված է ոլորտային բարեփոխումների ուղղորդման համար։
