Ձեզ պիտի բացատրե՞լ Աստծո օգնությունը ինչ է նշանակում. Անդրեասյան

Ես կարծում եմ, որ վարչապետի գրառումը ձեր բոլոր հարցերի պատասխանները պարունակում է, ավելացնելու ոչինչ չունեմ։ Այս մասին լրագրողների հետ զրույցում ասել է ԿԳՄՍ նախարար Ժաննա Անդրեասյանը:

«Դուք հարցնում ք՝ ինչպես, ինչ չափանիշներով են ընտրվելու համակարգող խմբի անդամները, ես էլ ասում եմ՝ այն գրառումը, որը արված է, պարունակում է տեղեկատվություն թե չափանիշների, թե ընտրության մեխանիզմի մասին, ավելացնելու ոչինչ չունեմ»,- ասել է նա։

Դիտարկմանը, որ Փաշինյան ասում է՝ Աստծո օգնությամբ ենք նաև կաթողիկոսի ընտրություն անելու, ձեզ համար հասկանալի՞ է՝ ինչ ձևով է լինելու այդ ընտրությունը, Անդրեասյանը պատասխանել է.

«Դուք եկեղեցու հետևորդ եք, ձեզ պիտի բացատրե՞լ Աստծո օգնությունը ինչ է նշանակում։ Ես կարծում եմ՝ եթե դուք եկեղեցու հետևորդ եք, այդ հարցը պիտի չտաք։ Կարծում եմ՝ հավատացյալ մարդու համար «Աստծո օգնություն» բառերը շատ հասկանալի են»։