Բաքվում շարունակում են «դատել» հայ գերիներին. հարցաքննվել է Լևոն Մնացականյանը
Բաքվում այսօր շարունակվել է Արցախի նախկին ռազմաքաղաքական ղեկավարության «դատավարությունը»: Ինչպես հաղորդում են ադրբեջանական լրատվամիջոցները, Արցախի պաշտպանության բանակի նախկին հրամանատար Լևոն Մնացականյանը պատասխանել է 2016 թվականի քառօրյա պատերազմին վերաբերող հարցերի։
Հիշեցնենք` հունվարի 17-ից Ադրբեջանում ընթանում է Արցախի նախկին ռազմաքաղաքական առաջնորդների գործով «դատավարությունը»: Մեղադրյալների թվում են նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, պաշտպանության բանակի նախկին հրամանատար Լևոն Մնացականյանը, նախկին արտգործնախարար Դավիթ Բաբայանը և այլք:
Նախկին պետնախարար և բարերար Ռուբեն Վարդանյանի գործը քննվում է առանձին վարույթով:
Հավելենք՝ հաջորդ նիստը տեղի կունենա հունիսի 12-ին։
