ԵՄ քաղաքացիների 59%-ը կողմ է Ուկրաինային զենքի գնմանը և մատակարարմանը

Eurobarometer-ի հարցման համաձայն եվրոպացի հարցվածների 80%-ը համաձայն է ԵՄ-ում ընդունել պատերազմից փախչող մարդկանց, իսկ եվրոպացիների ավելի քան երեք քառորդը (76%) կողմ է Ուկրաինային ֆինանսական և մարդասիրական աջակցություն ցուցաբերելուն։

ԵՄ քաղաքացիների 72%-ը կողմ է Ռուսաստանի կառավարության, ընկերությունների և անհատների դեմ տնտեսական պատժամիջոցներին, մինչդեռ տասից վեցը (60%) կողմ է Ուկրաինային ԵՄ անդամակցության թեկնածուի կարգավիճակ տրամադրելուն, իսկ 59%-ը համաձայն է, որ ԵՄ-ն պետք է ֆինանսավորի Ուկրաինային ռազմական տեխնիկայի գնումն ու մատակարարումը։

Ռուսաստանի կողմից Ուկրաինա ներխուժումը շարունակում է համարվել ամենակարևոր հարցը ԵՄ մակարդակով (27%) 15 հարցերից, որին հաջորդում են միջազգային իրավիճակը (24%) և անվտանգությունն ու պաշտպանությունը (20%)։

Եվրոպացի հարցվածների 77%-ը համաձայն է, որ Ռուսաստանի կողմից Ուկրաինա ներխուժումը սպառնալիք է ԵՄ անվտանգության համար։

Վերջին հարցումներից մեկի համաձայն՝ ամերիկացիների գրեթե 60%-ը կարծում է, որ Դոնալդ Թրամփը բավականաչափ կոշտ չէ Պուտինի հանդեպ:

Ամերիկացիների ճնշող մեծամասնությունը, ինչպես դեմոկրատ, այնպես էլ հանրապետական ընտրողների հետ միասին, կարծում է, որ Դոնալդ Թրամփի վարչակազմը պետք է շարունակի Ուկրաինային ռազմական աջակցությունը։