Ադրբեջանը արգելափակել է ռուսական հեռուստաընկերությունը
Ադրբեջանն իր տարածքում արգելափակել է ռուսական «Ցարգրադ» հեռուստաընկերության կայքը։ Այս մասին տեղեկացրել է ռուսական ընդդիմադիր «Մեդուզա» պարբերականը՝ վկայակոչելով ադրբեջանական «Մինվալ» կայքի գլխավոր խմբագիր Էմիլ Մուստաֆաևին։
«Մինվալ»-ի խմբագիրը նամակով դիմել էր Ադրբեջանի թվային զարգացման և տրանսպորտի նախարար Ռաշադ Նաբիևին՝ պահանջելով սահմանափակել՝ «ռուսական քարոզչական «Ցարգրադ» հեռուստաընկերության կայքի հասանելիությունը երկրի տարածքում»։
«Այդ կայքը գրեթե ամեն օր նյութեր է հրապարակում, որոնք լի են Ադրբեջանի, դրա ժողովրդի և ղեկավարության մասին սուտ տեղեկություններով և կեղտոտ մեղադրանքներով», - նշել է Մուստաֆաևը։
