Թուրք նախարարը կրկին խոսել է «Զանգեզուրի միջանցքի» մասին
Այսպես կոչված՝ «Զանգեզուրի միջանցքի» նախագիծը «նախատեսվում է իրականացնել առաջիկա 3-4 տարիների ընթացքում»։ Այս մասին հայտարարել է Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն։
Նրա խոսքով՝ «Զանգեզուրի միջանցքի» նախագիծը «կկապի Թուրքիան թյուրքական աշխարհի հետ»։ «Ե՛վ Ադրբեջանը, և՛ Թուրքիան շարունակում են աշխատանքները նախագծի իրականացման ուղղությամբ», - նշել է նախարարը, հաղորդում է Anadolu-ն:
Հիշեցնենք, որ վարչապետ Նիկոլ Փաշինյանը հայտարարել է․ «Մեզ համար անհասկանալի և անընդունելի է «Զանգեզուրի միջանցք» արտահայտությունը, որովհետև նախ Հայաստանի Հանրապետությունն այդ արտահայտության հետ որևէ առնչություն չունի»։
