Ալեն Սիմոնյանը խոսել է սահմանազատման ընթացքի և զորքերի հետքաշման մասին

Անվտանգության խորհրդի քարտուղար Ալեն Սիմոնյանն անդրադարձել է սահմանազատման ու սահմանագծման գործընթացին՝ նշելով 29 743 քառակուսի կիլոմետր մակերեսով Հայաստանի տարածքից զորքերի փոխադարձ հետքաշման հնարավորությունը։

«Մենք գիտենք, որ Հայաստանի տարածքը 29 743 քառակուսի կիլոմետր է։ Բոլոր այն տեղերում, որտեղ մենք ենք առաջ, մենք հետ կգնանք, որտեղ իրենք են առաջ, իրենք հետ կգնան»,— գործադիր մարմնի նիստի ավարտից հետո զանգվածային լրատվամիջոցների ներկայացուցիչների հետ զրույցում հայտարարել է Անվտանգության խորհրդի քարտուղար Ալեն Սիմոնյանը՝ պատասխանելով սահմանագծմանը և սահմանազատմանը վերաբերող հարցերին։

Արձագանքելով դիտարկմանը, թե ադրբեջանական կողմը դեռևս չի հեռացել Հայաստանի ինքնիշխան տարածքներից, սակայն «այսօր արդեն խոսվում է Տիգրանաշենի՝ հանձնման մասին», Սիմոնյանը նշել է. «Մենք էլ շատ տեղերից, միգուցե, դուրս չենք եկել, որտեղ սահմանազատված չէ։ Որտեղ սահմանազատված չէ, միգուցե մենք էլ դուրս չենք եկել»։