«Կենտրոն» հեռուստաընկերությունում Աննա Հակոբյանի հյուրընկալվելու մասին անոնսից եմ իմացել. Տոնոյան

ԲՀԿ մամուլի խոսնակ Իվետա Տոնոյանը լրագրողների հետ զրույցում հայտնել է, որ «Կենտրոն» հեռուստաընկերությունում Աննա Հակոբյանի հյուրընկալվելու վերաբերյալ տեղեկացել է անոնսից՝ բոլոր հեռուստադիտողների նման։

«Ընդհանրապես, Գագիկ Ծառուկյանը կամ Իվետա Տոնոյանը հյուրերի ընտրության հարցում ի պաշտոնե որևէ առնչություն չեն ունեցել։

Այդ հարցազրույցի հետ կապված, եթե կան հարցեր, պետք է խնդրեմ, որ այդ հարցերն ուղղեք հեռուսատեսության տնօրինությանը»,- ասաց Տոնոյանը։

Հիշեցնենք` հուլիսի 6-ին հայտնի դարձավ, որ իրավապահները ներխուժել են «Բարգավաճ Հայաստան» կուսակցության առաջնորդ Գագիկ Ծառուկյանի առանձնատուն, ինչպես նաև նրան պատկանող «Մուլտի գրուպ» կոնցեռնի կազմում գտնվող ձեռնարկություններ և խուզարկություններ են իրականացնում։ Ընկերությունների դռները կապարակնքվեցին, և աշխատանքը դադարեցվեց։

Ծառուկյանը հուլիսի 6-ին ձերբակալվեց, իսկ հաջորդ օրը կալանավորվեց 2 ամսով։ Գործարարը և ևս մեկ անձ մեղադրվում են խարդախության օժանդակության և փողերի լվացման օժանդակության մեջ։ Եվս մեկ գործ էլ հարուցվել է վայրի կենդանի կամ թռչուն ապօրինի որսալու դեպքի առթիվ: