Իրանը թույլ չի տա թշնամիներին խաթարել ՀՀ-ի հետ իր հարաբերությունները
Իրանը թույլ չի տա թշնամիներին խաթարել Հայաստանի հետ իր ռազմավարական հարաբերությունները, հայտարարել է Իրանի ազգային անվտանգության բարձրագույն խորհրդի քարտուղար Ալի Աքբար Ահմադիանը:
Այսօր Թեհրանում Հայաստանի Անվտանգության խորհրդի քարտուղար Արմեն Գրիգորյանի հետ հանդիպմանն Ահմադիանն ասել է, որ Իրանի և Հայաստանի «ռազմավարական հարաբերությունները» և բոլոր ոլորտներում սերտ համագործակցությունը օգուտ կբերի տարածաշրջանային խաղաղությանը և կայունությանը:
Հավելենք, որ Ադրբեջանի նախագահ Ալիևի օգնական Հիքմեթ Հաջիևը ևս մեկնել է Իրան՝ «Թեհրանի երկխոսություն 2025» համաժողովին մասնակցելու։ Նույն միջոցառմանը մասնակցելու նպատակով Թեհրանում է նաև Հայաստանի Անվտանգության խորհրդի քարտուղար Արմեն Գրիգորյանը։
Նախկինում երկու բարձրաստիճան պաշտոնյաները մի քանի անգամ հանդիպել են՝ հայ-ադրբեջանական հարաբերությունների կարգավորումը քննարկելու։ Այս անգամ, սակայն, հնարավոր հանդիպման մասին չի հաղորդվել։
