Հակոբ Արշակյանը` Փաշինյան Մոսկվա գնալու մասին
Նիկոլ Փաշինյանի Մոսկվա գնալու և չգնալու որոշումը ես չեմ կայացնում, ես կարող եմ ասել, որ պատերազմը և պատերազմի հաղթանակը հավասարապես նաև հայերին է պատկանում, և Հայաստանին է պատկանում: Այս մասին այսօր՝ մայիսի 7-ին, ԱԺ-ում լրագրողների հետ զրույցում նշել է ԱԺ փոխխոսնակ Հակոբ Արշակյանը՝ անդրադառնալով հարցին, թե արդյոք ճիշտ է համարում, որ վարչապետ Նիկոլ Փաշինյանը մայիսի 9-ին լինի Մոսկվայում և մասնակցի զորահանդեսին:
«Դա, իհարկե, քննարկման ենթակա չէ, մենք 300 հազար զոհ ենք տվել ըստ պաշտոնական տվյալների, բազմաթիվ հերոսներ ենք տվել: Մենք ֆաշիզմի դեմ ենք պայքարել մյուս բոլոր ժողովուրդների հետ միասին: Այսինքն, եթե դուք ուզում եք ինձանից որևէ այլ գնահատական լսել, ես չունեմ որևէ այլ գնահատական: Դա հավասարապես նաև մեր հաղթանակն է և մեր տոնն է»,-ասել է նա:
