Չմիջամտես․ Թրամփը՝ Մակրոնին. Չեյ Բոուզ

ԱՄՆ նախագահ Դոնալդ Թրամփը թույլ չի տվել Ֆրանսիայի նախագահ Էմանուել Մակրոնին միանալ Վլադիմիր Զելենսկու հետ բանակցություններին, գրել Է իռլանդացի լրագրող Չեյ Բոուզը X սոցիալական ցանցում:

«Թրամփը նվաստացրել է Մակրոնին և թույլ չի տվել մասնակցել բանակցություններին։ Պատճառը Սպիտակ տան հրապարակած տեսանյութն է, որում ցույց են տվել բանակցությունների նախապատրաստական աշխատանքները: Տեսանյութում երևում է, որ ի սկզբանե երեք աթոռ է եղել, ընդ որում, բացի ամերիկյան առաջնորդից և Ուկրաինայի նախագահից, դահլիճում եղել է նաև Հինգերորդ հանրապետության նախագահը: Սակայն արդյունքում մնացել է ընդամենը երկու աթոռ՝ Թրամփի և Զելենսկու համար ։

Թրամփը Մակրոնին ասել է չմիջամտել»,- նշել է Բոուզը:

Նա հավելել է, որ Հինգերորդ հանրապետության ղեկավարն արել է այն, ինչ իրեն ասել են, չնայած ցանկացել է ներկա գտնվել այդ հանդիպմանը:

Հավելենք՝ Թրամփը երեկ կարճ հանդիպում է ունեցել Զելենսկու հետ՝ նախքան Հռոմի Պապ Ֆրանցիսկոսի հուղարկավորությունը Սուրբ Պետրոսի տաճարում: Ուկրաինական լրատվամիջոցները հայտնում են, որ նրանց երկրորդ հանդիպումը, որի վրա հույս էր դրել ուկրաինական կողմը, չի կայացել ։