Լուրջ հարված սպառողներին և բիզնեսին ամբողջ աշխարհում
Եվրահանձնաժողովի ղեկավար Ուրսուլա ֆոն դեր Լեյենը սոցցանցերում հայտարարել է, որ ԱՄՆ նախագահ Դոնալդ Թրամփի կողմից մաքսատուրքերի սահմանումը լուրջ հարված է սպառողների և բիզնեսի համար ամբողջ աշխարհում։
«Վաշինգտոնը հայտարարեց համընդհանուր սակագների ներդրման մասին: Սա լուրջ հարված է սպառողների և բիզնեսի համար ամբողջ աշխարհում», - ասել է ֆոն դեր Լեյենը:
Հիշեցնենք, որ ավելի վաղ ԱՄՆ նախագահը հայտարարել էր այլ երկրներից ապրանքների ներմուծման համար «փոխադարձ» մաքսատուրքերի սահմանման մասին։ Լրատվամիջոցները հայտնել են, որ հիմնական նվազագույն դրույքաչափը կարող է լինել 10%: Ընդ որում, յուրաքանչյուր պետության համար սակագինը տարբեր կերպ է չափորոշվելու։
